თბილისის მეხუთე მოდის კვირეული კომპანია „Geo Fachion"-ისა და მისი პარტნიორების ორგანიზებით 25 ნოემბერს თბილისის „ივენთჰოლში" გაიხსნა.მოდის კვირეული ჟურნალ „ამარტას" ახალი ნომრის პრეზენტაციით და დიზაინერ თამუნა ინგოროყვას ნამუშევრების ჩვენებით გაიხსნა.თამუნა ინგოროყვას გარდა 2012 წლის გაზაფხულ-ზაფხულის სეზონის მოდის ტენდენციები ასევე ლაშა მდინარაძემ (გუდუ) და TAMANINI-მ წარმოადგინეს. ოთხი დღის განმავლობაში სულ 14 პროფესიონალი და 17 დამწყები დიზაინერი წარდგება თბილისის „ივენთჰოლში" მოწყობილ პოდიუმზე. რაც შეეხება შოურუმებსა და აქსესუარების გამოფენა-გაყიდვებს, ის „გრატო პასაჟში" გაიმართება. თბილისის მოდის კვირეულში უცხოეთში მოღვაწე სამი ქართველი დიზაინერიც მონაწილეობს. თბილისში იმყოფებიან მოდის ინდუსტრიის ბაიერები და კრიტიკოსები. საქართველოში ჩამოვიდნენ უცხოელი ჟურნალისტები, რომლებიც თბილისის მეხუთე მოდის კვირეულის შესახებ რეპორტაჟებს მოამზადებენ.
|
574
301
1050
