გამოცემა Vanity Fai-მა გამოაქვეყნა იმ ახალგაზრდა მსახიობების სია, რომელთაც წელს ყველაზე მეტი თანხა გამოიმუშავეს. შოუ-ბიზნესის ყველაზე მდიდარ გოგონად კვლავ 19 წლის მაილი საირუსი დასახელდა. მის ბიუჯეტს 120 მილიონი დოლარი შეადგენს.

           
„ბინდმა" თავის მსახიობებს საკმაოდ დიდი თანხა მოუტანა. რობერტ პატინსონის ბიუჯეტის განსაზღვრა ცოტა რთული პროცესია, თუმცა, წელს მისი შემოსავალი 27,5 მილიონი დოლარი იყო. აქედან 25 მილიონი „ბინდის" ბოლო ორმა სერიამ მოუტანა, 1,5 მილიონი 2010 წელს გადაღებულმა ფილმმა „წყალი სპილოებისათვის", ხოლო 1 მილიონი ფილმმა Bel Ami. ეს უკანასკნელი ფრანგი მწერლის, გი დე მოპასანის რომანზე დაყრდნობით, დეკლან დონელანდმა გადაიღო. ფილმში პატინსონი უმა თურმანთან ერთად თამაშობს..

             
კრისტენ სტიუარტმა „ბინდის" წყალობით ასევე 25 მილიონი დოლარი გამოიმუშავა და პლუს ამას 3 მილიონი სხვა ფილმებიდან.

თავის კოლეგებთან შედარებით, ყველაზე მეტი 19 წლის ტეილორ ლოტნერმა მოაგროვა - 33,5 მილიონი დოლარი „ბინდში" და სხვა პროექტებში.

კიდევ ერთი ფილმი, რომელმაც მსახიობების ბიუჯეტი საგრძნობლად გაზარდა„ჰარი პოტერია".
               
ემა ვოტსონმა წელს 30 მილიონი დოლარი გამოიმუშავა. რუპერტ გრინმა, რომელიც „ჰარი პოტერში" რონ ვესლის როლს ასრულებს, 50 მილიონი დოლარი. ხოლო, მთავარი გმირის, დანიელ რედკლიფის ფინანსური მდგომარეობა იდმენად გასაიდუმლოებულია, რომ სხვადასხვა გამოცემების ვარაუდით, იგი 37-დან 80 მილიონ დოლარამდე მერყეობს. თუმცა, ფაქტია, 22 წლის მსახიობი პრინც უილიამსა და ჰარიზე ბევრად მდიდარია.
                   
თანატოლების ფონზე, 19 წლის სელენა გომეზი ღარიბად შეგვიძლია ჩავთვალოთ, გოგონას შემოსავალი 4 მილიონი დოლარი იყო.
                    
თავისი ასაკის ყველაზე მდიდარი მსახიობი, 13 წლის ჯადენ სმიტია 8 მილიონი დოლარით.