ბოლო დროს ცნობილი ადამიანებისთვის საკუთარი სუნამოების წარმოება ერთ-ერთი ყველაზე პოპულარული ჰობი გახდა. პარფიუმერების რანგში მადონა, კრისტინა აგილერა, შაკირა, ბრიტნი სპირსი და სელენა გომესიც მოგვევლინენ. მსგავსი გატაცება ლამაზმანების საბანკო ანგარიშს მსხვილი თანხით ყოველდღიურად ავსებს. ვარსკვლავებს შორის ამ საქმიანობაში ყველაზე წარმატებული ჯენიფერ ლოპესი აღმოჩნდა.

მისი პარფიუმერიული დებიუტი 2002 წელს სუნამოთი „Glow" შედგა. მომღერალი მიღწეულზე არ შეჩერდა და მუდმივად ახალ არომატებზე მუშაობდა. დღევანდელი დღის მონაცემებით, ლოპესმა გაყიდული პარფიუმით 50 მილიონ ფუნტ სტერლინგზე მეტი გამოიმუშავა. ამ რეიტინგში მეორე ადგილზე სარა ჯესიკა პარკერი ხოლო მესამეზე მადონა გავიდა.