მოთხილამურე მთიდან მოკლე კაბით და ბავშვით ხელში დაეშვა - 31 დეკემბერში 2011

ამერიკელი მოთხილამურე სარა შლეპერი მთიდან მოკლე კაბით და სამი წლის შვილით ხელში დაეშვა. 32 წლის სპორტსმენმა კარიერის დასასრული ასე აღნიშნა. მოთხილამურემ ადრე განაცხადა, რომ ამ დაშვების შემდეგ კარიერას დაასრულებს.

ქალი მოთხილამურეები გუშინ ავსტრიის ქალაქ ლინცში შეიკრიბნენ, სადაც სლალომში იმართებოდა ეტაპი. ამ სტარტამდე წინასწარ იყო ცნობილი, რომ შლეპერი უკანასკნელად იასპარეზებდა მსოფლიოს თასის ეტაპზე.

შლეპერი 1995 წლიდან გამოდიოდა მსოფლიოს თასზე. სულ 186 ეტაპში მიიღო მონაწილეობა, 2005 წელს კი შვეიცარიაში სლალომის სტარტი მოიგო. ეს მისი ერთადერთი გამარჯვებაა კარიერაში.

ამერიკელ მოთხილამურეს ოთხ ოლიმპიადაში მიუღია მონაწილეობა - 1998, 2002, 2006 და 2010 წლებში. ოლიმპიადებზე მისი საუკეთესო შედეგი იყო მეათე ადგილი 2006 წელს სლალომის დისციპლინაში.