Madonna, Beyoncé, Lady Gaga და Adele - ვინ არის საუკეთესო? - ამ შემსრულებლების ფანები ხშირად დაობენ იმის შესახებ თუ ვინ არის საუკეთესო. VH1-მა გადაწყვიტა გამოევლინა საუკეთესო ქალი შემსრულებლები. სიაში 100 შემსრულებელი მოხვდა, მოდით მივყვეთ თანმიმდევრულად და გავიგოთ თუ ვინ გახდა პირველი ადგილის მფლობელი.
სიაში პირველ ადგილს ბოლო დროს პოპის არათუ დედოფლად, არამედ პოპის ქალღმერთად აღიარებული Madonna იკავებს, რომელმაც 2012-ში ახალი ალბომის გამოშვება გადაწყვიტა და თან ახალი ვიდეო კლიპიც შემოგვთავაზა.
მომდევნო პოზიციას Mariah Carey, იკავებს, ალბათ იმსახურებს მუსიკალურ ინდუსტრიაში შეტანილი წვლილისთვის. მესამე ადგილზე Beyoncé განთავსდა, რომელმაც ბოლო დროს სკანდალებით მოგვაბეზრა თავი, თუმცა მისი იმიჯი კვლავ ურყევია და თაყვანისმცემლებს არ კარგავს.
ბოლო დროს ისინი კონკურენტებად იქცნენ, მიუხედავად იმისა, რომ თითქმის არაფერი აქვთ საერთო... სიაში მეოთხე ადგილს Lady Gaga, ხოლო მეხუთე ადგილს Adele იკავებს. რაც უნდა იყოს და მათი ფანები რასაც უნდა ფიქრობდნენ მათ კონკურენციაზე, ისიც უნდა ვაღიაროთ, რომ ორივე შემსრულებელს უდიდესი წვლილი მიუძღვის მუსიკის განვითარებაში.
რაც შეეხება მომდევნო ადგილს, იგი აწ გარდაცვლილმა Whitney Houston-მა დაიკავა. მეშვიდე პოზიციაზე Janet Jackson-ი გავიდა. ათეულში ადგილი მოიძებნა Christina Aguilera-სთვის. მეცხრე პოზიცია კი Mary J. Blige-მ დაიკავა. მეათე ადგილის მფლობელი კი P!nk გახდა.
ასეულში ასევე მოხვდნენ: Britney Spears, Pussycat Dolls, Demi Lovato, Jordin Sparks, Robyn, Avril Lavigne, Miley Cyrus, Spice Girls, Leona Lewis, M.I.A., Natasha Bedingfield, Ke$ha, Kylie Minogue, Toni Braxton, Taylor Swift, Nicki Minaj, Shakira, Fergie, Amy Winehouse, Rihanna, Kelly Clarkson, Katy Perry, Jennifer Lopez, Alicia Keys და Gwen Stefani...
|
574
301
1050
