სიყვარული ? ოოო..აიი ამ თემის დაწერა კი გამიჭირდება...რატომ ? იმიტომ,რომ ეს გრძნობა არ მიგრძვნია,არასდროს ! ალბათ იტყვით:მერე რა...ხომ გიყურებია ფილმები,ან წაგიკითხავს წიგნები,სადაც ულამაზესი სიყვარულის ისტორიებია მოთხრობილი ? მაგრამ მე ვთლი,რომ ამ გრძნობაზე სალაპარაკოდ საკმარისი არაა ეს ყველაფერი ! სიყვარულზე რომ დაწერო,თავად უნდა გამოცადო ეს ყველაზე ლამაზი გრძნობა,რაც კი ქვეყანაზე არსებობს ! ამიტომ თქვენის ნებართვით დავწერ იმას,რაც მე წარმომიდგენია ამ გრძნობაზე.

ჩემი თაობის ბიჭებს სიტყვა"სიყვარული" სხვა გაგებით ესმით:მათ გონიათ,რომ უყვართ,

მაგრამ ის რასაც გრძნობენ სინამდვილეში უბრალო სიმპატიაა...მათ ორიენტაცია აღებული აქვთ გართობაზე და შემდეგ შეყვარებულებს აბუჩად იგდებენ და მათთან ისე წყვეტენ ურთიერთობას,რომ არც არაფერს უხსნიან ! წაგებული ვინ რჩება ? ვინ და უიმედოდ შეყვარებული გოგო,ან თუნდაც ბიჭი,რადგან არანაკლებ ცუდად იქცევიან გოგონებიც ბიჭებთან მიმართებაში ! რა გამოდის?

გამოდის,რომ სიყვარული თამაშია,უცებ მოდის და მიდის ! წაგებული კი ის რჩება,ვინც ამ თამაშში უფრო ღრმად  შეტოპავს ! ჩემი წარმოდგენით კი სიყვარული ძალიან შორსაა ასეთი დამოკიდებულებისგან ! ის ყველაზე ნაზი,სათუთი გრძნობაა,რომელსაც მოფრთხილება სჭირდება ! როდესაც ადამიანი გიყვარს,ეს იზომოდ კარგი რაღაცაა,მაგრამ თუ მასაც უყვარხარ,შენი თავი მსოფლიოში ყველაზე ბედნიერი გგონია ! როდესაც მას უყურებ,რაღაც გემართება...რაღაც ისეთი რისი აღწერაც სიტყვებით არ ძალგიძს ! ეს გადმოუცემელი გრძნობაა...ყოველ მის დანახვაზე ტანში გბურძგლავს და გული ისე გიცემს,რომ სადაცაა ამოგივარდება ! როდესაც მას ხედავ,გავიწყდება ყველა პრობლემა,სირთულე და მხოლოდ მაზე ფიქრობ !ძალიანაც რომ მოინდომო,სიტყვებით ვერასდროს აუხსნი,როგორ გიყვარს...თუ მასაც ისევე უყვარხარ,შენ უსიტყვოდ გაგიგებს და ყველაფერს შენს თვალებში ამოიკითხავს!

სიყვარულს ბევრი ტკივილიც მოაქვს...მე ვთვლი,რომ როდესაც ურთიერთობა არ გამოდის,ამაში დამნაშავე ორივე მხარეა ! მაგრამ თუ ძალიან გიყვარს, პატიებაც უნდა შეგეძლოს ! სიყვარულმა არ იცის ასაკი,რელიგია,ეროვნება,ფასეულობები,რა თქმა უნდა ეს ყველაფერი მნიშვნელოვანია,მაგრამ შედარებით მეორეხარისხოვანი ! სიყვარულს არ აქვს საზღვრები ! 21-ე საუკუნეში ნამდვილი სიყვარული ძალიან იშვიათია ! განსაკუთრებით ამერიკასა და ევროპაში ! თუნდაც ავიღოთ ლათინოამერიკული სერიალები ! ეს არაა ნამდვილი სიყვარული ! ნამდვილად მჯერა ,რომ არსებობს  და ამის მაგალითი ჩემი ოჯახია ! მინდა ისე მიყვარდეს და ისე ვუყვარდე,როგორც ჩემს ბებიას და პაპას უყვარდათ ! მიუხედავად იმისა,რომ პაპა უკვე თითქმის 10 წელია აღარ არის ჩვენს გვერდით,ბებო მისი ერთგულია და ყოველთვის,როცა მას იხსენებს თვალები ცრემლებით ევსება ! სიყვარული არაა ანგარება,არაა ლტოლვა,ვნება ! სიყვარული ზეციურია ! 

აიი სულ ეს იყო რისი თქმაც მინდოდა ! შეიძლება ბევრი არ დამეთანხმოთ,მაგრამ ეს ჩემი სუბიექტური აზრია.არავითარ შემთხვევაში არ გათხოვდეთ ადრეულ ასაკში,რადგან ამ დროს ნამდვილად არავინაა ჩამოყალიბებული და გემოვნებაც შეიძლება ბევრჯერ შეეცვალოს ! აქედან გამომდინარე ოჯახი აუცილებლად დაინგრევა ! დაფიქრდით,სანამ ვინმეს ეტყვით,რომ გიყვართ ! ეს სიტყვა ჩემთვის უბრალო არაა და მხოლოდ იმათ ვეუბნები,ვინც მართლა ძალიან მიყვარს ! ჯერ-ჯერობით ჩემს ცხოვრებაში არ არსებობს ის ადამიანი,ვინც ამ გრძნობას სხვანაირად განმაცდევინებს,მაგრამ ალბათ თავის დროზე სიყვარული აუცილებლად მოვა,თანაც ისე,რომ არაფერს შემეკითხება,მეც უძლური ვიქნები მის წინაშე და დავნებდები ამ ულამაზეს გრძნობას...