ღამეა...ყველა და ყველაფერი ბნელშია ჩაფლული...ირგვლივ ყველა სულიერს ძინავს ! არავინაა ისეთი,ვინც ხმას გაგცემს და განუგეშებს ! შუაღამეს გამეღვიძა...გულს რაღაც მიღრღნის...ძალიან ცუდი წინათგრძნობა მაქვს,მაგრამ ყველაფერი კარგადაა...იმ საშინელი დღეების  მერე დიდი დრო გავიდა,მინდა ამის დავიწყება,მაგრამ ვერ ვივიწყებ...იმის მერე,რაც პაპა ვნახე და მითხრა,რომ კიდევ ბევრი რამ მაქვს გასაკეთებელი,მოსვენება დავკარგე ! დღემდე ვცდილობ ამაზე პასუხი ვიპოვო , მაგრამ ვერ ვახერხებ ! პრობლემა ჩემშია...მეშინია...მეშინია სირთულეების და ცუდზე ფიქრის ! მინდა ყველაფერი ისე იყოს,როგორც ფილმებშია ! ისიც ვიცი,რომ ყველაფერი "ჰეფი ენდით" არ მთავრდება,მაგრამ თავს მაინც ვინუგეშებ ! თაკოს და თოკოს ისე ტკბილად ძინავთ,რომ მათი გაღვიძება არც მინდა და არც შემიძლია ! მინდა მეც მათსავით ვიყო...მათ ხომ ის არ მოსვლიათ,რაც მე ! ყველას ისე ვაჩვენებ თავს,თითქოს არაფერი მადარდებს და კარგად ვარ,მაგრამ ვინ რა იცის ჩემს გულში რა ხდება ! ზოგჯერ ისე ვარ,რომ მგონია ამდენს ვეღარ გავუძლებ,დავეცემი და ჩემი გული სამუდამოდ შეწყვეტს მუშაობას ! მაგრამ თვალებს ვახელ და ვხვდები,რომ ჩემი გული წინანდელზე უფრო მეტად ცემს ! ჩემი გული სიყვარულისთვის ცემს !

გათენდა...ერთი სული მქონდა როდის ინათებდა,რომ ლოგინიდან წამოვმხტარიყავი ! ფანჯარაში გავიხედე...ზამთარია,მაგრამ თოვლი არსად ჩამს ! ხვალ ახალი წელია,მაგრამ უკვე რამდენი ხანია ახალ წელს თოვლი არ მოსულა ! თოვლზე არ ვგიჟდები,მაგრამ ახალი წელი თოვლის გარეშე თავის ხიბლს კარგავს ! მხოლოდ სუსხი,რომელიც ხელებს მიყინავს და სიცივის მეტს ვერაფერს ვგრძნობ ! ჩავიცვი და ტახტზე წამოვჯექი ! თაკო გვერდით მომიჯდა და მხარზე თავი დამადო ! ასე ვიყავით 15 წუთი.

სიჩუმე ისევ თოკომ დაარღვია...გამოვიდა და გასამხიარულებლად ანეგდოტების მოყოლა დაიწყო,მაგრამ ჩვენი გახალისება მაინც ვერ შეძლო ! თაკოსაც ეტყობოდა,რომ განწყობა არ ჰქონდა...მალე თოკოც დაიღალა,ხელი ჩაიქნია და ტახტზე ჩამოჯდა. ხასიათი ისე გვქონდა წამხდარი,რომ ნაძვის ხეც კი არ გავაწყეთ ! არც-ერთი ზარი და მესიჯი მობილურზე,არავის ვახსოვართ ! ცოტაც და დეპრესია გარანტირებული გვქონდა,მაგრამ ამ მდგომარეობიდან ზარმა გამოგვიყვანა ! კარებს მივუახლოვდი,ცოტას ვორჭოფობდი,მაგრამ ბოლოს თაკომ მიყვირა გააღე კარიო და მეც უსიტყვოდ დავემორჩილე ! თვალწინ ისეთი სანახაობა დამიდგა,რასაც სიზმარშიც ვერ წარმოვიდგენდი : ნიკას ხელში უზარმაზარი ნაძვის ხე ეჭირა და მიღიმოდა : ) მაშინვე მივხვდი,რომ დაღლილი იყო და ხელში ძლივსღა იჭერდა,გამოვართვი და ოთახში შევიტანე.ის სადღაც გაიქცა და მეორე წუთში პარკით ხელში დაბრუნდა,რომელიც ნაძვის ხის სათამაშოებით იყო სავსე...სახე ერთბაშად შეგვეცვალა,თითქოს სიბნელეში სინათლის სხივი დავინახეთ ! 

ნაძვის ხის მორთვას შევუდექით : ) მორთვა-მორთვაში ისე ვიხალისეთ,რომ ხასიათი ნამდვილად გამიგვიკეთდა.ამ დროს კარზე ზარი გაისმა.თაკო გავარდა გასაღებად და ხელში საბა შერჩა ! მაშინვე შემოვიპატიჟეთ და ისიც ჩაერთო ცვენს ორომტრიალში ! ნაძის ხე ისე მოვრთეთ,რომ თვალს ვეღარ ვწყვეტდით !

ნიკას მოტანილი სათამაშოებით ოთახი გავალამაზეთ,მერე ნაძვის ხის ქვეშ საჩუქრები დავაწყვეთ და კმაყოფილებმა შვებით ამოვისუნთქეთ ! უცებ ნიკამ კიდევ ერთი სიურპრიზი გამიკეთა და რარაც ჩეკი გადმომცა...გაკვირვებისგან თვალები შუბლზე ამივიდა...

-ეს რა არის ?

-რა არის და იმის დამამტკიცებელი საბუთი,რომ დღეიდან ეს სახლი თქვენია !

-რაა ? მეხუმრები ? კი მაგრამ როგორ ? ფული საიდან გადაიხადე ?

-შენი სტიპენდიიდან...ისე წამოვედით იქედან,რომ არც გაგვხსენებია,გუშინ დირექტორმა დამირეკა და შენი ამბავი მკითხა,შემდეგ მითხრა,რომ გამოაგზავნა შენი სტიპენდია და დავხვედროდი.ცოტა მე დავამატე,ცოტა საბამ და ვიყიდეთ ! დღეიდან ეს სახლი  თქვენია!

-არ ვიცი როგორ გადაგიხადოთ მადლობა ! თქვენი სიცოცხლის ბოლომდე მადლიერები დავრჩებით ! 

ამას კი ნამდვილად არ ველოდი...იმდენად ავფორიქდი,რომ სულ დამავიწყდა,რომ გოზინაყი გასაკეთებელი გვქონდა.მაშინვე შევუდექით საქმეს და ნაჩქარევად გავაკეთეთ ... საათს დავხედე და 11 იყო...ნიკას და საბას ვთხოვეთ ჩვენთან ერთად შეხვედროდნენ ახალ წელს...ისინიც ამას აპირებდნენ და აიი დავიწყეთ დათვლა : 10...9...8...7...6...5...4...3...2...1... გილოცავთ !

საათის დიდი ისარი 12-ზე მივიდა !

ცა ფეიერვერკებმა დაფარა ! ყველა და ყველაფერი ბედნიერი იყო,მაგრამ ბედნიერებას რარაც აკლდა !

-ლიიკ...შეხედე ! თოვლი ! პირველი თოვლი ! დაუჯერებელია !

მაშინვე გარეთ გავვარდი,არ მაინტერესებდა რომ მციოდა,ეს სასწაულია ! ღმერთის მიერ მოვლენილი სასწაული ! ჩემს ხელზე ფიფქი დაეცა ! 

ბავშვები გარეთ გამოვარდნენ და სირბილი დაიწყეს ! ყველას უხაროდა თოვლი,მაგრამ მე სხვების ემოციას ყურადღებას არ ვაქცევდი ! ეს მოხდა ! ღმერთმა ისმინა ჩემი ვედრება ! სიხარული მომივლინა პირველი თოვლის სახით ! ახლა უკვე აღარ მეშინია სირთულეების ! კიდევ ერთხელ დამტკიცდა,რომ ღმერთი ჩემთანაა ! ახალი წელი მოვიდა...ჩემთვის ყველაზე უჩვეულო და დასამახსოვრებელი ახალი წელი ! ეს დღე არასდროს დამავიწყდება ! ამ დღეს ოცნებები ხდება ! მთავარია შენ გჯეროდეს !