როგორც იქნა გათენდა ... ერთი სული მაქვს როდის წავალთ კოლეჯში.ძალიან მაინტერესებს გაკვეთილები,მინდა ბავშვების გაცნობა...ეს ყველაფერი ჩემთვის უცხო ხილია,მაგრამ სიახლეები ძალიან მიყვარს და თან კარგ სიახლეს რა შეედრება ! მზეს ამოსვლა არ დავაცადე,ავდექი,თავი მოვიწესრიგე,ბავშვები გავაღვიძე,ვისაუზმეთ,სახლის კარები გავიხურეთ და წავედით ! ეს დღე ისე განსაკუთრებულად დაიწყო,რომ იგივეს ველოდები დღის ბოლომდე ! კოლეჯში შესვისთანავე ვიგრძენი ნაცნობი მზერა,მაგრამ ახლა დაძაბული სულაც არ ვიყავი,რადგან მაშინვე ჩვენკენ გამოიქცნენ და მოგვესალმნენ.იმ წუთას ჩემზე ბედნიერი არავინ იყო ! ყველა სათითაოდ გავიცანი,ვილაპარაკეთ,ბევრი საერთოც აღმოგვაჩნდა და ბევრი განსხვავებულიც !

გაკვეთილებმა ძალიან საინტერესოდ ჩაიარა ! მასწავლებლებს ძალიან მოვეწონეთ და ყველანაირად დაგვეხმარნენ,რომ პროგრამა დაგვეძლია.გაკვეთილები დამთავრდა და ყველამ ჩვენ-ჩვენი ნივთები ავიღეთ.თაკო აღფრთოვანებით მელაპარაკებოდა ამ დღეზე.უცებ გვერდიდან შეჯახება იგრძნო ! არც გაუხედია მაშინვე ჩხუბი დაიწყო:

-უკაცრავად,მაგრამ შემთხვევით გოგო ხომ არ დაგინახავთ გვერდით ? ხო,ის გოგო,თქვენ რომ დაეჯახეთ !  ვერ გავიგე ასეთი შეუმჩნეველი ვარ ? რა არის ეს ?

-ბოდიში,ვერ დაგინახე,მეგობარს ველაპარაკებოდი...

თაკომ გაიხედა და სახე შეეცვალა...

-გამარჯობა : ) იმედია არაფერი გატკინე : ) 

-არაუშავს,მიპატიებია : ) მეც ლაპარაკში ვიყავი გართული და ვერ შეგამჩნიე !

-შენ აქ სწავლობ ? 

-კი,გუშინ გადმოვედი ჩემს საუკეთესო მეგობრებთან ერთად !

-ძალიან კარგი : ) იმედია დავმეგობრდებით ! 

-მეც მაგის იმედი მაქვს : )

ასე დიდხანს იდგა გაშტერებული...ბოლოს ძლივს გამოვაფხიზლე და სახლში წავედით ! დღემ კარგად ჩაიარა...ღამე ჩვეულებრივ ძილის წინ ვილოცე და დავწექი...თაკოს თვალები დახუჭული ჰქონდა...ეტყობოდა კარგ სიზმარს ხედავდა.დრო და დრო გაიღიმებდა.ისეთი საყვარელი იყო ! მაშინვე მივხვდი,რომ მის თავს რაღაც ხვდებოდა,რომლის სახელიც კი არ იცოდა...