თაღლითმა პაციენტს პლასტიკური ოპერაცია ცემენტით და სუპერწებოთი გაუკეთა - 26 ნოემბერში 2011

მაიამის პოლიციამ თაღლითი დააკავა, რომელმაც პაციენტს დუნდულების გასადიდებლად "პლასტიკური ოპერაცია" გაუკეთა - ”მედიკოსმა” ქალს სხეულში ტოქსიკური მასა შეუყვანა.

გოგონას თანხის დაზოგვა სურდა და ამის გამო 30 წლის ონილ მორისის მომსახურებით ისარგებლა, რომელიც მას ოცნების 700 დოლარად ასრულებას დაპირდა. შედეგად, მას სხეულში ჯანმრთელობისთვის საშიში ნივთიერებები შეუყვანეს, მათ შორის - ცემენტი, სუპერწებო და სპრეი, რომელსაც ავტომობილის გახვრეტილი საბურავების შესაკეთებლად იყენებენ.

პროცედურის შემდეგ გოგონამ ძლიერი ტკივილი იგრძნო, მომდევნო დღეს კი მას გრიპისთვის დამახასიათებელი სიმპტომები გამოუვლინდა. პაციენტი საავადმყოფოში წავიდა, თუმცა ოპერაციის შესახებ არაფერი უთქვამს. პირველი ორი კლინიკიდან ის გაიქცა, მესამე კლინიკის ექიმებს კი საკუთარი ისტორია უამბო და მორისის ტელეფონის ნომერიც მისცა.

ექიმები მორისთან დაკავშირებას ცდილობდნენ, თუმცა ის ზარებს არ პასუხობდა. თაღლითი მაშინ დააკავეს, როცა პოლიციამ დაადგინა, რომ ის ერთ-ერთი იატაქვეშა კლინიკის ექიმი იყო. მას ლიცენზიის გარეშე სამედიცინო საქმიანობისა და პაციენტის ჯანმრთელობის დაზიანების ბრალდება წაუყენეს.