მსოფლიოს სხვადასხვა ქვეყანაში ახალ წელს სხვადასხვა დროს და განსხვავებული შოუებით შეხვდნენ, თუმცა გრანდიოზული ფეიერვერკი, რომელმაც ღამის ცა დღესავით გაანათა, ყველა ქვეყნისთვის საერთო იყო.
ლონდონში ფეიერვერკის სანახავად ბიგ-ბენთან ათასობით ადამიანი შეკრიბა. იმისათვის, რომ ახალ ოლიმპიურ წელს კარგად შეხვედროდნენ, ლონდონში 12 000 თვალისმომჭრელი ფეიერვერკი დაამონტაჟეს. შოუ 15 წუთს გაგრძელდა.
ნიუ-იორკში ახალი წლის მთავარი მოვლენა თაიმს-სკვერში მიმდინარეობდა. ახალი წელი იქ შეკრებილ ადამიანებს ლედი გაგამ, ნიუ-იოკრის მერმა და სხვა ვარსკლავებმა მიულოცეს. შემდეგ კი მუსიკალური შოუც დაიწყო, რომელზეც ჯასტინ ბიბერმა, ფერჯიმ და სხვა ვარსკლავებმა იმღერეს.საახალწლო ღონისძიების შემდეგ თაიმს-სკვერიდან, დასუფთავების სამსახურმა 50 ტონა ნაგავი გაიტანა. ნიუ-იორკის მთავარი სადღესასწაულო მოედნის დალაგებაზე 150-ზე მეტი დამლაგებელი მუშაობდა.
ბრაზილია ახალ წელს ერთ-ერთი უკანასკნელი შეხვდა. მათ ფეიერვერკი ზუსტად 12 საათზე გაუშვეს. მთავარი შოუ კოპაკაბანას სანაპიროზე, რიო-დე-ჟანეიროში მიმდინარეობდა. მასზე დასასწრებად ათასობით ადამიანი შეიკრიბა.
ასევე უამრავი ადამიანი მივიდა საახალწლო ფეიერვეკის სანახავად კრემლთან, მოსკოვის წითელ მოედანზეც.
პეკინის ცის ტაძარი, არა მხოლოდ ფეიერვერკმა, არამედ საგანგებოდ დამონტაჟებულმა ნათურებმაც გაანათა.
ავსტრალია ახალ წელს ერთ-ერთი პირველი შეხვდა. მთავარი ღონისძიება სიდნეის ოპერასთან მიმდინარეობდა, სადაც მილიონამდე ადამიანი შეიკრიბა. სიდნეის თემატურ ფეიერვერს "ოცნების დრო" დაარქვეს. ორგანიზატორები მათ გამხნევებას ცდილობდნენ, ვისთვისაც გასული წელი არც ისე იღბლიანი იყო. მთავარი მაშხალა ცაში წითელი ფერის ყვავილებად გაიშალა.
სინგაპურის, მარინა ბეის ფეიერვერკი იმდენად გრანდიოზული იყო, რომ ის სხვა ქალაქებიდანაც კი ჩანდა.
მალაიზიამ ახალი წელი ქვეყნის ყველაზე საამაყო პეტრონასის შენობასთან, კუალა-ლუმპურეში აღნიშნა.
| 
574
301
1050
