ანდრეა ბოჩელი მამა გახდა
ცნობილი იტალიელი ტენორი ანდრეა ბოჩელი და მისი საცოლე - იტალიელი ბარიტონის, ივანო ბერტის ქალიშვილი ვერონიკა მშობლები გახდნენ. მათ გოგონა შეეძინათ, რომელსაც ვიჯინია დაარქვეს. ამჟამად დედაც და ბავშვიც თავს შესანიშნავად გრძნობენ. მშობლები ახალშობილ ქალიშვილს ჯერჯერობით ფართო საზოგადოებას უმალავენ. პატარა ვირჯინია 53 წლის ანდრეა ბოჩელისთვის მესამე შვილია, ვერონიკა ბერტისთვის კი პირველი. ტენორს ორი ვაჟი ჰყავს ყოფილ მეუღლესთან, ენრიკა ჩენზატისთან - 17 წლის ამოსი და 14 წლის მატეო. მომღერალი პირველ ცოლს 2002 წელს დაშორდა. იმავე წელს ტენორმა პირად მენეჯერთან - ვერონიკა ბერტისთან გააბა რომანი. გასული წლის აგვისტოს ბოლოს წყვილმა ვერონიკას ფეხმძიმობის შესახებ განაცხადა, თუმცა ისინი ჯერჯერობით დაქორწინებას არ ჩქარობენ.
ანჯელინა ჯოლი მსახიობობის პარალელურად ავიატორია
ჰოლივუდის მსახიობი, ანჯელინა ჯოლი კალიფორნიის აეროდრომიდან მინიატურული თვითმფრინავით რეგულარულად დაფრინავს. ავიატორის დიპლომი ექვსი შვილის დედამ შვიდი წლის წინ აიღო. ხანდახან ანჯელინა ბავშვებითაც დაფრინავს. მისი 10 წლის ვაჟი თვითმფრინავის მართვის გაკვეთილებზე უკვე დადიოდა. ჯოლი საკმაოდ რისკიანი ადამიანია. იგი მეუღლესთან, ბრედ პიტთან ერთად კოსმოსში გაფრენაზე ოცნებობს. ჰოლივუდის მსახიობებს შორის ყველაზე სანიმუშო პილოტი ჯონ ტრავოლტაა, რომელიც "ბოინგ 707"-ს მართავს.
რიანა ეშტონთან რომანს უარყოფს
21 წლის ამერიკელი მომღერალი რიანა ხან ვისთან დააწყვილეს და ხან ვისთან , თუმცა ყველაზე აქტიურად ხმები, მისი და დემი მურის ყოფილი მეუღლის ეშტონ კეტჩერის რომანზე დადიოდა. რიანას ხან ეშტონის საყვარლობა დააბრალეს და ხან დემის დეპრესიაში ჩავარდნაშიც დაადანაშაულეს. თავად მომღერალი ამ ურთიერთობას უარყოფს. ჯურნალისტის კითხვაზე აქვთ თუ არა მას და ეშტონს რომანი, მომღერალმა უარით უპასუხა.
|
574
301
1050
