ლედი გაგამ სოლიდარობის ნიშნად კეფა გადაიპარსა - 14 სექტემბერში 2012

ლედი გაგა იმიჯსა და ვარცხნილობას ძალიან იოლად იცვლის, თუმცა, მისი მორიგი სახეცვლილება მოდასთან არაფერ შუაშია. მომღერალმა კეფა გადაიპარსა, რითაც ახლო მეგობრის, ფოტოგრაფ ტერი რიჩარდსონის მიმართ, რომელმაც ცოტა ხნის წინ დედა დაკარგა, სოლიდარობა გამოხატა. ანი ლომაკსი სამშაბათს გარდაიცვალა, რის შესახებაც ფოტოგრაფმა სოციალური ქსელის გვერდზე დაწერა. ლედი გაგა რიჩარდსონთან უკვე მეათე წელია მეგობრობს, იგი მომღერლის უამრავი ფოტოს ავტორი გახლავთ. ტერიმ გაგასთან ერთად მთელი საგასტროლო ტურნე მოირა და ფოტო სერიებზე მუშაობდა, რომლებიც ვარსკვლავის ახლადგამოსულ ფოტოალბომში შევიდა.

ლედი გაგამ თავისი ახალი ვარცხნილობა თაყვანისმცემლებს საკუთარ ოფიციალურ გვერდზე წარუდგინა და სურათს შემდეგი კომენტარი გაუკეთა: "მე ეს ტერისთვის გავაკეთე. ძალიან ვწუხვარ, რომ დედა დაკარგე."