რუსეთში მცხოვრებმა ქართველმა სტუდენტმა, ნათია ახალაძემ რუსების წინაშე ნაწნავებით მოიწონა თავი. ნათია მოსკოვში გამართულ ნაწნავების კონკურსში მონაწილეობდა და ჟიურის გადაწყვეტილებით, მესამე ადგილი ერგო.
კონკურსი "ნაწნავი 2011" მოსკოვის "ნაციონალობის სახლში" გაიმართა და მასში რუსეთში მცხოვრები სხვადასხვა სათვისტომოების წარმომადგენლები მონაწილეობდნენ. ღონისძიების მიზანი გრძელი თმის ტრადიციის აღდგენა და მისი სილამაზისადმი საზოგადოების ყურადღების მიპყრობა იყო.
კონკურში მონაწილეობის მიღება 16-30 წლის გრძელთმიან გოგონებს შეეძლოთ. ისინი ჟიურის წინაშე ჯერ სამრიგად დაწნულ თმასა და ეროვნულ კოსტიუმში უნდა წარმდგარიყვნენ, მომდევნო ეტაპზე კი თავინთი ყოველელდღიური ვარცხნილობა ეჩვენებინათ. ჟიური გოგონების არტისტულ მონაცემებსაც აფასებდა.
ნათია ახალაძე კონკურსზე მწვანე ფერის (ზურმუხტისფერი) ეროვნული სამოსით წარსდგა. მან ნაწნავების დემონსტრირება "ჯეირანის" ცეკვით სცადა, რითაც ჟიურის აშკარად მოაწონა თავი.
ნათია მოსკოვის სახელმწიფო პედაგოგიური უნივერსიტეტის სტუდენტია.
| 
574
301
1050
