პოპ პრინცესა ბრიტნი სპირსისა და წლების წინ მისი მეტოქის კრისტინა აგილერას კონკურენცია შესაძლოა კვლავ გაღვივდეს. ეს კი იმ შემთხვევაში მოხდება, თუ ბრიტნი The X Factor-ის ჟიურის წევრობას დათანხმდება.
პოპულარულმა პროექტმა სპირსის შოუში მიწვევა მას შემდეგ გადაწყვიტა, რაც მუსიკალურმა კონკურსმა The Voice-მა ჟიურიში კრისტინა აგილერა მიიწვია. როგორც ცნობილი გახდა სპირსს 10 მილიონს სთავაზობენ ჰონორარის სახით, თუმცა იგი 20 მილიონის სანაცვლოდ დათანხმდება შეთავაზებას.
პოპ პრინცესას ერთხელ უკვე ჰქონდა შეხება The X Factor-თან, თუმცა ეს მხოლოდ ლაივ პერფომანსით შემოიფარგლებოდა.
რაც შეეხება სპირსის კარიერას - შეგახსენებთ, რომ მომღერლის ბოლო ალბომი ”Femme Fatale” გასული წლის მარტში გამოვიდა და ამ დროისთვის 8 ჩარტში კვლავ პირველ ადგილს ინარჩუნებს.
|