ანჯელინა ჯოლი სამსახიობო კარიერაში წაუმატებლობის შემთხვევაში, დაკრძალვების ბიზნესს წამოიწყებდა. ამ დღეებში კინოვარსკვლავმა ერთ-ერთ ინტერვიუში განაცხადა, რომ ბავშვობაში დაკრძალვების ორგანიზატორობაზე ოცნებობდა, ვინაიდან ის თავის დროზე საყვარელი ბაბუის დაკრძალვის ცერემონიამ შოკში ჩააგდო.
"ეს უცნაურად და ექსცენტრიულად ჟღერს, მაგრამ ბაბუის დაკარგვის შემდეგ მართლაც იმედგაცრუებული დავრჩი იმით, თუ როგორ მიაბარეს ის მიწას. ნათესავის გარდაცვალების დროს ოჯახი დამკრძალავ ბიუროს უკავშირდება, რომელიც ჩემი აზრით, ყველაფერს სხვაგვარად უნდა აკეთებდეს. კინოკარიერაში წარმატებისთვის რომ არ მიმეღწია, დაკრძალვის ბიზნესით დავკავდებოდი", - განუცხადა მსახიობმა The Sun-ს.
გარდა ამისა, ჯოლიმ აღიარა, რომ სამსახურის გამო ოჯახს იმდენ დროს ვერ უთმობს, რამდენიც სურს. მისთვის მისაბაძი მაგალითი საკუთარი დედაა, რომელიც 56 წლის ასაკში სიმსივნით გარდაიცვალა.
"ის ისეთი "სადღეღამისო დედა" იყო, მისი კარიერა არც ისე წარმატებული აღმოჩნდა. ცხოვრებისგან მას იმდენი რამ არ მიუღია, რაც მან საკუთარ შვილებს შესწირა. მე ასეთი კარგი დედა ვერასდროს ვიქნები. ის ყველაზე კეთილი და მოსიყვარულე ქალი იყო", - აღნიშნა მსახიობმა.
mag bizness kide es mirchevnia rasac axla aketebs 
574
301
1050
